ارهب طفلك

السلام عليكم ورحمة الله وبركاته

.
.
.

قرب قرب قرب . . ياللا تعالا واتفرج

اتفرج ببلاش

لم العيال . . اخلص منهم ومن روشتهم

قناة سبيس توون

قناة MBC 3

أي قناة وخلاص عشان تخلص من وجع الدماغ

. . . .

ايه الحكاية والداخلة ديه ؟!

الموضوع ده نفسي اتكلم فيه من زمان بما إني عيلة وبحب اتفرج ع أفلام الكارتون

أنا مستغربة جدا جدا . . حاجات كتير مينفعش يتفرج عليها الأطفال

واحد ينزل من برج بشمسية ويبقي كأنه لابس براشوت

وعن نفسي بصراحة لما كنت عيلة وشوفت كده في فيلم لاسماعيل يس

كنت عايزة اجربها :)

وكنت شوفت قبل كده فيديو لولد صغير مسلم جاب السكينة وعمل بيها صليب ع ايده

علشان شافها ع امي بي سي في فيلم

مخلوقات عجيبة عندها قوي خارقة تحيي الميت وتنزل المطر وحاجات غريبة . . ونفوا وجود الله سبحانه وتعالي والعياذ بالله

مسلسل اسمه الجاسوسات عن 3 بنات بيساعدوا الناس من خلال التجسس

يعني الأطفال يتعلموا الصبح في المدرسة التجسس حرام

وفي البيت يتعلموا يتجسسوا

أما ملابس البنات . . فما الذي يمكنني التحدث عنه في هذا الأمر ؟!

وييجي أطفالنا يلعبوا مع بعض . . يقلدوا بقي اللي بيشوفوه . . سواء من ملابس أو ضرب أو أو أو


طب هل الحاجات ديه بتناسب أطفالنا ؟! هل دول أجيال المستقبل ؟!

دول اللي هيبقوا آباء الغد ؟!

الحاجات ديه فيها عنف وخيال اوفر أوي وشرك وسحر وحاجات غريبة

طب احنا لما نتفرج ع فيلم فيه فانتازيا اه بنندمج بس بنبقي عارفين ان ده خرافي

لكن الأطفال لما تتفرج ع الحاجات ديه واحنا غايبين عنهم لا عارفين بيعملوا ايه ولا بيتعلموا ايه من الحاجات ديه

قال تعالي : (( يا أيها الذين آمنوا قووا أنفسكم وأهليكم نارا وقودوها الناس والحجارة عليها ملائكة غلاظ شداد لا يعصون الله ما أمرهم ويفعلون ما يؤمرون ))

يا أب ويا أم عليكم مسئولية كبيرة أو تجاه طفلكم

احنا عايزين ندخل الجنة . . ألا أن سلعة الله غالية . . ألا أن سلعة الله هي الجنة

عايزين ندفع تمنها

ندفع تمنها صلاة وصوم وصدقة وطاعات وعبادات وكل حاجة ترضي ربنا

عايزين نربي أطفالنا ع الصح

في طاعة ربنا . . عايزين نطلع رجالة بجد

خافوا ع أولادكم من الحاجات دي . . مش أي حاجة تخلوهم يتفرجوا عليها

أمنوا ولادكم الله يكرمكم

علشان دول اللي هيبقوا الذرية الصالحة اللي هتدعيلنا بعد موتنا

قال صلي الله عليه وسلم :
(( إذا مات الإنسان انقطع عمله إلا من ثلاث صدقة جارية أو علم ينتفع به أو ولد صالح يدعو له ))
صدق رسول الله صلي الله عليه وسلم

كمان الدراسات العلمية أثبتت إن السلوك الاجتماعي والعقيدة اللي بيتربوا عليهم الأطفال في الصغر بتفضل راسخة فيه حتي الكبر

حتي وإن تغيرت . . فسكون التغير لحظيا ثم يعود ثانية لأنها ستبقي تتردد داخله باستمرار

نفسي أوي يبقي عندي شركة مصرية لإنتاج الأفلام الكارتون

مش أي حد يشتغل فيها . . ديه أخلاق ومبادئ وقيم هندخلها في عقول أطفالنا

نرسم البسمة في عيونهم فتبان ع وشهم

ياااااااااه . . نولهالنا يارب