السلام عليكم ورحمة الله وبركاته
.
.
.
يمكن صورة طفل تعبر عني
أو حتي توصف همي
الأيام ديه حاسة بوحدة فظيييييييعة جدا
وخصوصا إني بقيت حاسة إني مهملة من كل اللي حواليا
أحيانا علشان أنا بنت
يمكن القيود بتحسسني إني مهملة
إن كل حاجة ممنوعة وكل فكرة مرفوضة
يمكن علشان القريب بقيت أحسه بعيد
حتي نجمة كل يوم
كنت أبص عليها واسرح
وأحس النجمة بتقرب
لكن في أيام بتعدي عليا
وكل ما النجمة تقرب
الأقيها بتبعد عني
وادخل اوضتي بلهفة
يحضنني سريري خايفة
وأقول آآآآآه
وأنام واصحي ع غفلة
قلقانة أوووي من الدنيا
يوم تعيشني ملكة
ويوم مكنش فيها أصلا
وييا بحور الدنيا الفانية
سرحانة في أي حاجة لكن مش عارفة ولا واعية
أيام احس بفرح شديد
ساعتها الدنيا بتاخدني لبعيد أوي
ألاقي كل الصحبة حواليا
وأحس بقيمة نفسي التايهة
وابص للنجمة وأطير من الفرحة
هيه تقرب وأنا أقرب
وكأن النجمة هيه سري
بحس بيها جوة نفسي
لكن الأيام تفضل تعدي
وألاقي مفيش حد حواليا
واسبني أنا من كل الدنيا
وارجع اوضتي بأسرع ما يمكن
اعيط وكأني بموت نفسي
في لمح البصر بختفي من ادام الناس
لجل محد يشوف دموع عينيا
لكن لوحدي بتمني أي حد يخدني في حضنه
ويطمني
ويطبطب عليا
وإن حصل وجيه حد يطمني
أقول مش عايزة أنا حد جمبي
ويكون من ورا قلبي
بالعكس بحس عايزة كل الناس جمبي
ومن هنا هفوة ومن هنا هفوة
وخلاص مبقتش طايقة
الكل بييجي عليا
ده العيب مني أنا ولا منهم
وأتمني من كل قلبي
أفضل سعيدة طول عمري
0 التعليقات:
إرسال تعليق