سرحان

السلام عليكم ورحمة الله وبركاته

غريبة أوي

الواحد بمجرد ما يركب الميكروباص ومروح بقي

اللحظة ديه بتبقي غريبة

كأن الميكروباص هوه طوق النجاة للواحد

سواء بقي اللي راجع من الشغل تعبان ولا الجامعة ولا المدرسة ولا ولا ولا

بس جوة الميكروباص بقي

إن مالقاش الواحد حد يعرفه يرغي معاه

حالة صمــــت رهيب

كل الناس بتفكر واللي سرحان واللي مجرد مبلم من الإرهاق ومش عارف هوه عايز ايه


اللي بتفكر هترجع تعمل أكل ايه لجوزها وعيالها

واللي بيفكر يروح ينام

واللي واللي واللي

وياسلام بقي لما الميكروباصات تشغل (( ورجعت من السفر ))

لا . . بس بحب الموود ده أوي

ببقي سرحانة سرحان لذيذ

وكمان بيجيلي أفكار رهيبة . . ده أنا ممكن أخطط مذاكرتي ويومي جوة الميكروباص


رووووووووعة :)