السلام عليكم ورحمة الله وبركاته
الواحد بيستحمل كتير أوي لما ييجي يديي . . ويبقي محتاج . . أكيد (( تقدير ))
لكن لما بتزرجن معاه . . ياتري يعمل ايه ؟!
يوصلك ميل إن شركة أوراسكوم فتحت باب التقديم علشان التدريب وهيتقفل 30/4 اللي هوه النهارة
بس بشرط . . جواب التدريب + صورة البطاقة + صورة كارنيه الكلية + السي في بتاعك
هوبا تنزل في نفس اليوم وتروح كليتك تجيب جواب التدريب
قوم ايه . . الست في شئوون الطلبة تقولك لازم تدفع 15 ج ونصف الأول علشان مصاريفك زادت
تقولها طب ما أنا دفعت مصاريفي . . زادت ايه يا حاجة
قوم ايه . . تقولك ما الشهادة بتاعتكم مش هتاخدوها الا اما تدفعوا ال15 ج ونصف
تاخدها من قاصرها وتمشي وتفكر شوية وتلاقي نفسك رجعت تاني علشان التدريب ميضعش عليك برضه
خدي يا حاجة انجزي بقي . . ولازم تبهدلك آخر بهدلة
يعني . . بيروقراطية بقي ولازم الموظفين يتعنطزوا عليك علشان فاكرين نفسهم مسئولين كبار
فيلقحوك من ده لده
اهوه تقولك جيب دمغات من السنتر المركزي . . وطابع الجامعة من الخزنة واروح للخزنة ادفع وتعالي تاني هنا
واستني لبكرة علشان تاخد جواب التدريب
ماشي أنجزنا ودفعنا ال 15 ونص وال 10 بتاعة الجواب
وقعدت تقولها . . لازم اخده النهارة لإن التدريب اخر يوم بكرة للتقديم
ماشي تاخده
تروح بيتك تعمل السي في بتاعك . . تنزل الصبح علشان تطبعه
إما تلاقي المركز اللي هتطبع فيه قافل
إما .......... اللي جاي :
الأول . . كل ما البت تحط الفلاشة . . الجهاز يرستر وتستني لما يفتح تاني من الاول وتحط . . وطبعا برضه يرستر
التاني . . يطبعلك الورقة ويطلع حاجات مش اتطبعت . . لأن الألوان ناقصة في البرنتر
نروح للبت تاني . . ونقولها فتحت عند الراجل التاني . . وبرضه . . يرستر
التالت بقي : حاجات مش ظهرت وعبقرة في الوورد . . وطباعة ألوان . . وكمان أبيض وأسود . . احم . . مع شوية عطلة
ناخدها من قاصرها وتروح تجيبلك سندوتش وتركب الميكروباص للتحــــرير
وتفتح الشنطة تلاقي . . سندوتش تاني :)
الواحد قبل حكاية الطباعة جاب سندوتش علشان ياكله في الميكروباص . . وبعد الدوخة نسي خالص واشتري تاني :))
المهم وصلنا اوراسكوم
دخلنا
عايزين نطلع الدور 12 . . عند الآنسة ماجي
وندخل . . والراجل في الريسبشن يقولك جملة مشهورة جدا جدا جدا
فوت علينا السنة الجاية إن شاء الله . . في وقت زي ده
طبعا أنا جبت ألوان . . لأن عمر ما تخيلت الجملة ديه ممكن تتقالي في يوم
قولتله حضرتك مش آخر يوم النهاردة . . قال اه بس كان لغاية الساعة 9 وهما فوق قالوا مش عايزين حد تاني
أنا بقي ماليش في أسلوب المحايلة والكلام ده
أول ما طلعت من عنده . . أكييييييييييييييد . . عيطت
وماشية زعلانة أووووووووووي
يعني امبارح اضيع اليوم ومش اذاكر علشان اعمل جواب التدريب
والست اقولها كده خلاص تقوللي اه . . بليه واشربي ميته
وحاسة اني عاملة زي الكورة البينج بونج كل شوية اروح هنا وهنا علشان اخد ورقة
واتشمس كده النهاردة واقضيها شحططة في المواصلات . . واستحمل . . واجي ع نفسي
ويقوللي في الآخر . . عديي علينا السنة الجاية
وكرهت اوراسكوم ع موبينيل ع كل شركة تبع سويرس
وقولت حسبي الله ونعم الوكيل . . ومشيت
ويبقي الحل
تشرب كوباية مياة ساقعة ;)
الواحد بيستحمل كتير أوي لما ييجي يديي . . ويبقي محتاج . . أكيد (( تقدير ))
لكن لما بتزرجن معاه . . ياتري يعمل ايه ؟!
يوصلك ميل إن شركة أوراسكوم فتحت باب التقديم علشان التدريب وهيتقفل 30/4 اللي هوه النهارة
بس بشرط . . جواب التدريب + صورة البطاقة + صورة كارنيه الكلية + السي في بتاعك
هوبا تنزل في نفس اليوم وتروح كليتك تجيب جواب التدريب
قوم ايه . . الست في شئوون الطلبة تقولك لازم تدفع 15 ج ونصف الأول علشان مصاريفك زادت
تقولها طب ما أنا دفعت مصاريفي . . زادت ايه يا حاجة
قوم ايه . . تقولك ما الشهادة بتاعتكم مش هتاخدوها الا اما تدفعوا ال15 ج ونصف
تاخدها من قاصرها وتمشي وتفكر شوية وتلاقي نفسك رجعت تاني علشان التدريب ميضعش عليك برضه
خدي يا حاجة انجزي بقي . . ولازم تبهدلك آخر بهدلة
يعني . . بيروقراطية بقي ولازم الموظفين يتعنطزوا عليك علشان فاكرين نفسهم مسئولين كبار
فيلقحوك من ده لده
اهوه تقولك جيب دمغات من السنتر المركزي . . وطابع الجامعة من الخزنة واروح للخزنة ادفع وتعالي تاني هنا
واستني لبكرة علشان تاخد جواب التدريب
ماشي أنجزنا ودفعنا ال 15 ونص وال 10 بتاعة الجواب
وقعدت تقولها . . لازم اخده النهارة لإن التدريب اخر يوم بكرة للتقديم
ماشي تاخده
تروح بيتك تعمل السي في بتاعك . . تنزل الصبح علشان تطبعه
إما تلاقي المركز اللي هتطبع فيه قافل
إما .......... اللي جاي :
الأول . . كل ما البت تحط الفلاشة . . الجهاز يرستر وتستني لما يفتح تاني من الاول وتحط . . وطبعا برضه يرستر
التاني . . يطبعلك الورقة ويطلع حاجات مش اتطبعت . . لأن الألوان ناقصة في البرنتر
نروح للبت تاني . . ونقولها فتحت عند الراجل التاني . . وبرضه . . يرستر
التالت بقي : حاجات مش ظهرت وعبقرة في الوورد . . وطباعة ألوان . . وكمان أبيض وأسود . . احم . . مع شوية عطلة
ناخدها من قاصرها وتروح تجيبلك سندوتش وتركب الميكروباص للتحــــرير
وتفتح الشنطة تلاقي . . سندوتش تاني :)
الواحد قبل حكاية الطباعة جاب سندوتش علشان ياكله في الميكروباص . . وبعد الدوخة نسي خالص واشتري تاني :))
المهم وصلنا اوراسكوم
دخلنا
عايزين نطلع الدور 12 . . عند الآنسة ماجي
وندخل . . والراجل في الريسبشن يقولك جملة مشهورة جدا جدا جدا
فوت علينا السنة الجاية إن شاء الله . . في وقت زي ده
طبعا أنا جبت ألوان . . لأن عمر ما تخيلت الجملة ديه ممكن تتقالي في يوم
قولتله حضرتك مش آخر يوم النهاردة . . قال اه بس كان لغاية الساعة 9 وهما فوق قالوا مش عايزين حد تاني
أنا بقي ماليش في أسلوب المحايلة والكلام ده
أول ما طلعت من عنده . . أكييييييييييييييد . . عيطت
وماشية زعلانة أووووووووووي
يعني امبارح اضيع اليوم ومش اذاكر علشان اعمل جواب التدريب
والست اقولها كده خلاص تقوللي اه . . بليه واشربي ميته
وحاسة اني عاملة زي الكورة البينج بونج كل شوية اروح هنا وهنا علشان اخد ورقة
واتشمس كده النهاردة واقضيها شحططة في المواصلات . . واستحمل . . واجي ع نفسي
ويقوللي في الآخر . . عديي علينا السنة الجاية
وكرهت اوراسكوم ع موبينيل ع كل شركة تبع سويرس
وقولت حسبي الله ونعم الوكيل . . ومشيت
ويبقي الحل
تشرب كوباية مياة ساقعة ;)
